Dar visibilidade á gran cantidade de actividades que ó longo do ano se realizan en favor da comunidade e das persoas en calquera dos 139 pobos de Cervantes. Non se trata de presumir ou competir pero nestes tempos de tanta soidade, compartir cousas positivas da veciñanza adquire vital importancia como ferramenta que axuda a loitar contra o desánimo e o abandono; poucas cousas hai máis mobilizadoras que ver que hai xente ó noso redor que fai cousas por elas e pola veciñanza. Fagades vos ou fagan outrxs, compartide. Podedes facelo por medio da páxina do concello ou calquera das distintas asociacións que hai polo concello; o CDR Ancares ofrece esta Web para que nos informedes de actuacións veciñais, por humildes que vos parezan, que nos as colgaremos. No futuro sería desexable que entre todas as persoas e asociacións foramos quen de sacar adiante unha especie de “noticiario” trimestral no formato que se vexa máis acaído.